(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 219

॥ శ్రీః ॥
1.219. అధ్యాయః 219
Mahabharata - Adi Parva - Chapter Topics
విదురాత్ జ్ఞాతపాండవవృత్తాంతేన ధృతరాష్ట్రేణ ద్రౌపద్యానయనార్థమాజ్ఞాపనం॥ 1 ॥
ధృతరాష్ట్రసమీపే కర్ణదుర్యోధనయోర్భాషణం॥ 2 ॥
Mahabharata - Adi Parva - Chapter Text

1-219-0(9568)
వైశంపాయన ఉవాచ। 1-219-0x(1213)
వృత్తే స్వయంవరే చైవ రాజానః సర్వ ఏవ తే।
యథాగతం విప్రజగ్ముర్విదిత్వా పాండవాన్వృతాన్॥ 1-219-1(9569)
అథ దుర్యోధనో రాజా విమనా భ్రాతృభిః సహ।
అశ్వత్థాంనా మాతులేన కర్ణేన చ కృపేణ చ॥ 1-219-2(9570)
వినివృత్తో వృతం దృష్ట్వా ద్రౌపద్యా శ్వేతవాహనం।
తం తు దుఃశాసనోఽవ్రీడో మందంమందమివాబ్రవీత్॥ 1-219-3(9571)
యద్యసౌ బ్రాహ్మణో న స్యాద్విందేత ద్రౌపదీం న సః।
న హి తం తత్త్వతో రాజన్వేద కశ్చిద్ధనంజయం॥ 1-219-4(9572)
దైవం చ పరమం మన్యే పౌరుషం చాప్యనర్థకం।
ధిగస్తు పౌరుషం మంత్రం యద్ధరంతీహ పాండవాః॥ 1-219-5(9573)
`బధ్వా చక్షూంషి నః పార్థా రాజ్ఞాం చ ద్రుపదాత్మజాం।
ఉద్వాహ్య రాజ్ఞాం తైర్న్యస్తో వామః పాదః పృథాసుతైః॥ 1-219-6(9574)
విముక్తాః కథమేతేన జతువేశ్మవిర్భుజః।
అస్మాకం పౌరుషం సత్వం బుద్ధిశ్చాపి గతా తతః॥ 1-219-7(9575)
వయం హతా మాతులాద్య విశ్వస్య చ పురోచనం।
అదగ్ధ్వా పాండవానేతాన్స్వయం దగ్ధో హుతాశనే॥ 1-219-8(9576)
మత్తో మాతుల మన్యేఽహం పాండవా బుద్ధిమత్తరాః।
తేషాం నాస్తి భయం మృత్యోర్ముక్తానాం జతువేశ్మనః॥ 1-219-9(9577)
వైశంపావయన ఉవాచ। 1-219-10x(1214)
ఏవం సంభాషమాణాస్తే నిందంతశ్చ పురోచనం।
పంచపుత్రాం కిరాతీం చ విదురం చ మహామతిం॥' 1-219-10(9578)
వివిశుర్హాస్తినపురం దీనా విగతచేతసః॥ 1-219-11(9579)
త్రస్తా విగతసంకల్పా దృష్ట్వా పార్థాన్మహౌజసః।
ముక్తాన్హవ్యభుజశ్చైవ సంయుక్తాంద్రుపదేన చ॥ 1-219-12(9580)
ధృష్టద్యుంనం తు సంచింత్య తథైవ చ శిఖండినం।
ద్రుపదస్యాత్మజాంశ్చాన్యాన్సర్వయుద్ధవిశారదాన్॥ 1-219-13(9581)
విదురస్త్వథ తాఞ్శ్రుత్వా ద్రౌపద్యా పాండవాన్వృతాన్।
వ్రీడితాంధార్తరాష్ట్రాంశ్చ భగ్నదర్పానుపాగతాన్॥ 1-219-14(9582)
తతః ప్రీతమనాః క్షత్తా ధృతరాష్ట్రం విశాంపతే।
ఉవాచ దిష్ట్యా కురవో వర్ధ్త ఇతి విస్మితః॥ 1-219-15(9583)
వైచిత్రవీర్యస్తు నృపో నిశంయ విదురస్య తత్।
అబ్రవీత్పరమప్రీతో దిష్ట్యా దిష్ట్యేతి భారత॥ 1-219-16(9584)
మన్యతే స వృతం పుత్రం జ్యేష్ఠం ద్రుపదకన్యయా।
దుర్యోధనమవిజ్ఞానాత్ప్రజ్ఞాచక్షుర్నరేశ్వరః॥ 1-219-17(9585)
అథ త్వాజ్ఞాపయామాస ద్రౌపద్యా భూషణం బహు।
ఆనీయతాం వై కృష్ణేతి పుత్రం దుర్యోధనం తదా॥ 1-219-18(9586)
`అథ స్మ పశ్చాద్విదుర ఆచఖ్యావంబికాత్మజం।
కౌరవ్యా ఇతి సామాన్యాన్న మన్యేథాస్తవాత్మజాన్॥ 1-219-19(9587)
వర్ధంత ఇతి మద్వాక్యాద్వర్ధితాః పాండునందనాః।
కృష్ణయా సంవృతాః పార్థా విముక్తా రాజసంగరాత్॥ 1-219-20(9588)
దిష్ట్యా కుశలినో రాజన్పూజితా ద్రుపదేన చ॥ 1-219-21(9589)
వైశంపాయన ఉవాచ। 1-219-22x(1215)
ఏతచ్ఛ్రుత్వా తు వచనం విదురస్య నరాధిపః।
ఆకారచ్ఛాదనార్థాయ దిష్ట్యాదిష్ట్యేతి చాబ్రవీత్॥ 1-219-22(9590)
ధృతరాష్ట్ర ఉవాచ। 1-219-23x(1216)
ఏవం విదుర భద్రం తే యది జీవంతి పాండవాః।
న మమౌ మే తనౌ ప్రీతిస్త్వద్వాక్యామృతసంభవా॥ 1-219-23(9591)
సాధ్వాచారతయా తేషాం సంబంధో ద్రుపదేన చ।
బభూవ పరమశ్లాఘ్యో దిష్ట్యాదిష్ట్యేతి చాబ్రవీత్॥ 1-219-24(9592)
అన్వవాయే వసోర్జాతః ప్రవరే మాత్స్యకే కులే।
వృత్తవిద్యాతపోవృద్ధః పార్థివానాం చ సంమతః॥ 1-219-25(9593)
పుత్రాశ్చాస్య తథా పౌత్రాః సర్వే సుచరితవ్రతాః।
తేషాం సంబంధినశ్చాన్యే బహవః సుమహాబలాః॥ 1-219-26(9594)
యథైవ పాండోః పుత్రాస్తే తతోఽప్యభ్యధికా మమ।
సేయమభ్యధికాన్యేభ్యో వృత్తిర్విదుర మే మతా॥ 1-219-27(9595)
యా ప్రీతిః పాండుపుత్రేషు న సాఽన్యత్ర మమాభిభో।
నిత్యోఽయం చింతితః క్షత్తః సత్యం సత్యేన శపే॥ 1-219-28(9596)
యత్తే కుశలినో వీరాః పాండుపుత్రా మహారథాః।
మిత్రవంతోఽభవన్పుత్రా దుర్యోధనముఖాస్తథా॥ 1-219-29(9597)
మయా శ్రుతం యదా వహ్నేర్దగ్ధాః పాండుసుతా ఇతి।
తదాఽదహ్యం దివారాత్రం న భోక్ష్యే న స్వపామి చ॥ 1-219-30(9598)
అసహాయాశ్చం మే పుత్రా లూనపక్షా ఇవ ద్విజాః।
తత్త్వతః శృణు మే క్షత్తః సుసహాయాః సుతా మమ।
అద్య వై స్థిరసాంరాజ్యమాచంద్రార్కం మమాభవత్॥' 1-219-31(9599)
కో హి ద్రుపదమాసాద్య మిత్రం క్షత్తః సబాంధవం।
న బుభూషేద్భవేనార్థీ గతశ్రీరపి పార్థివః॥ 1-219-32(9600)
వైశంపాయన ఉవాచ। 1-219-33x(1217)
తం తథా భాషమాణం తు విదురః ప్రత్యభాషత।
నిత్యం భవతు తే బుద్ధిరేషా రాజంఛతం సమాః।
ఇత్యుక్త్వా ప్రయయౌ రాజన్విదురః స్వం నివేశనం॥ 1-219-33(9601)
తతో దుర్యోధనశ్చాపి రాధేయశ్చ విశాంపతే।
ధృతరాష్ట్రముపాగంయ వచోఽబ్రూతామిదం తదా॥ 1-219-34(9602)
సన్నిధౌ విదురస్య త్వాం దోషం వక్తుం న శక్నువః।
వివిక్తమితి వక్ష్యావః కిం తవేదం చికీర్షితం॥ 1-219-35(9603)
సపత్నవృద్ధిం యత్తాత మన్యసే వృద్ధిమాత్మనః।
అభిష్టౌషి చ యత్క్షత్తుః సమీపే ద్విపదాంవర॥ 1-219-36(9604)
అన్యస్మిన్నృప కర్తవ్యే త్వమన్యత్కురుషేఽనఘ।
తేషాం బలవిఘాతో హి కర్తవ్యస్తాత నిత్యశః॥ 1-219-37(9605)
తే వయం ప్రాప్తకాలస్య చికీర్షాం మంత్రయామహే।
యథా నో న గ్రసేయుస్తే సపుత్రబలబాంధవాన్॥ ॥ 1-219-38(9606)

ఇతి శ్రీమన్మహాభారతే ఆదిపర్వమి విదురాగమనరాజ్యలాభపర్వణి ఏకోనవింశత్యధికద్విశతతమోఽధ్యాయః॥ 219 ॥

Mahabharata - Adi Parva - Chapter Footnotes
1-219-32 గతశ్రీర్నష్టశ్రీః కో భవేన ఐశ్వర్యేణార్థీ న బుభూషేద్భవితుమిచ్ఛేదపి తు సర్వోపీచ్ఛేత్॥ ఏకోనవింశత్యధికద్విశతతమోఽధ్యాయః॥ 219 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.